Situatë e tensionuar në BBVK: Beharja përlotet nga debatet me banoret, Fuego i del në krah

Atmosfera brenda shtëpisë më të famshme në vend, Big Brother VIP Kosova 5, është bërë sërish e tensionuar, ku në qendër të vëmendjes kësaj radhe ka qenë Beharja. Ajo ka kaluar çaste mjaft emotive pas një sërë keqkuptimesh dhe përplasjesh verbale që ka pasur me vajzat e tjera të shtëpisë. E ngarkuar emocionalisht nga zhvillimet e fundit, banorja nuk ka mundur t'i përmbajë lotët. Gjatë një bashkëbisedimi të hapur me Fuegon, ajo ka shprehur hapur zhgënjimin dhe lodhjen e saj shpirtërore, duke u ankuar se po përballet vazhdimisht me akuza dhe komente negative nga ana e banoreve të tjerë. “Mu ka bo shumë n’tona anët t'u mu gjujtë… Në mbrëmje vjen ajo ‘e ke bo qita’, në mëngjes tjetra ‘e ke bo qita’… Po ma nin se s’jom qashtu...”, u shpreh Beharja gjatë këtij momenti të vështirë. Në këto momente mjaft të ndjeshme për të, Fuego ka zgjedhur t'i qëndrojë afër, duke i ofruar mbështetje morale dhe duke e dëgjuar me vëmendje teksa ajo ndante shqetësimet dhe ngarkesën e saj emocionale.