Përshkallëzim i situatës para Ministrisë së Arsimit: Policia ndërhyn me spraj dhe autobotë ndaj protestuesve

Tensionet janë rikthyer me intensitet të lartë në afërsi të Ministrisë së Arsimit, ku situata mes protestuesve dhe efektivëve të rendit ka degjeneruar në përplasje të reja. Ngjarjet kanë marrë një kthesë të dhunshme kur një grup protestuesish të maskuar kanë qëlluar me gurë drejt kordonit policor. Nga ana e tyre, forcat e sigurisë kanë lëshuar thirrje të njëpasnjëshme për qetësimin e situatës, duke u kërkuar pjesëmarrësve të shmangin aktet e dhunës dhe të shpërndahen. Për të vënë nën kontroll situatën dhe për të zmbrapsur turmën, efektivët e policisë kanë përdorur sprej lotsjellës dhe ujë sub presion përmes autobotëve. Gjatë kësaj përplasjeje, disa prej protestuesve të rinj i kanë vënë zjarrin koshat e plehrave, të cilët më pas i kanë përdorur si barrikada përballë forcave të rendit dhe mjeteve ujore të policisë.