Bashkëpunimi ushtarak në fokus: E ngarkuara me punë e ShBA-së pret në takim Gjeneralmajorin Osborn

E ngarkuara me punë e Ambasadës së Shteteve të Bashkuara të Amerikës në Kosovë, Anu Prattipati, ka zhvilluar një takim zyrtar me Adjutantin Gjeneral të Gardës Kombëtare të Ajovës, Gjeneralmajorin Stephen Osborn, në kuadër të vizitës së tij të fundit në vendin tonë. Gjatë këtij takimi, diplomatja amerikane i ka shprehur mirënjohjen Gjeneralmajorit Osborn përkushtimin dhe udhëheqjen e treguar në intensifikimin e partneritetit në sektorin e mbrojtjes ndërmjet Shteteve të Bashkuara dhe Kosovës. Po ashtu, ajo ka çmuar lart kontributin e dhënë në nxitjen e Partneritetit Shtetëror ndërmjet Gardës Kombëtare të Ajovës dhe Kosovës, një mekanizëm kyç që shërben për forcimin e mëtejshëm të lidhjeve dhe miqësisë mes dy shteteve.