Formë e jashtëzakonshme: Young Boys rrëmben kreun pas triumfit ndaj Baselit, Dysli bëhet heroinë

Skuadra e femrave të Young Boysit ka vazhduar serinë e rezultateve pozitive në Superligën e Zvicrës, duke regjistruar fitoren e gjashtë rresht në kampionat pas triumfit 3:1 ndaj Baselit në kuadër të xhiros së 12-të. Ky sukses i ka mundësuar përkohësisht ekipit nga Berna të aget në krye të renditjes tabelore. Ndeshja, e cila u zhvillua në kushte atmosferike me temperatura shumë të ulëta në stadiumin "Wankdorf", u vulos nga paraqitja spektakolare e Bianca Dyslit. E futur në fushë si zëvendësuese, ajo pati ndikim të menjëhershëm duke u shndërruar në lojtaren kyçe të takimit. Vetëm tri minuta pasi u kyç në lojë, saktësisht në minutën e 65-të, ajo tundi rrjetën për t'i dhënë epërsinë 2:1 skuadrës së saj, ndërsa në çastet e fundit të ndeshjes realizoi edhe golin e tretë për të siguruar tri pikët e plota. Për YB-në, kjo serim fitoresh konfirmon formën e lartë të ekipit, që deri më tani ka regjistruar vetëm një disfatë përgjatë këtij sezoni, pikërisht ndaj Baselit me shifrat 0:2. Megjithatë, mysafiret nga Baseli ishin afër të shkaktonin befasi në këtë përballje. Edhe pse vendaset kaluan herët në avantajl në minutën e dytë falë golit me kokë të Maria Jimenez, skuadra udhëtuese reagoi duke barazuar rezultatin në minutën e 28-të me anë të Jacqueline Hand, madje duke rrezikuar disa herë të tjera përmes rasteve të krijuara në pjesën e parë. Dueli u shoqërua edhe me një situatë të diskutueshme në minutën e 52-të, kur sulmuesja e YB-së, Malaurie Granges, u ndal nga gjyqtarja anësore për pozicion jashtë loje teksa po avanconte e vetme drejt portës kundërshtare. Pamjet televizive dëshmuan se aksioni kishte nisur nga gjysma e fushës së vetë ekipit vendës, çka nënkuptonte se vendimi ishte i gabuar. Duke qenë se në Superligën e Femrave të Zvicrës nuk përdoret teknologjia VAR, vendimi i arbitres mbeti në fuqi, por kjo nuk e zbehu triumfin 3:1 të bernezëve me në krye protagonisten e mbrëmjes, Bianca Dysli. Për Baselin, ky duel shënoi ndeshjen e dytë radhazi pa fitore në këtë fazë të kampionatit.