Gjiganti anglez nuk e harron: Liverpooli uron Xherdan Shaqirin për ditëlindjen

Klubi i njohur anglez, Liverpool, ka ruajtur kujtimet e mira për ish-sulmuesin e tij, Xherdan Shaqiri, duke e uruar atë me rastin e 35-vjetorit të lindjes gjatë ditës së shtunë. Shaqiri, i cili aktualisht mban shiritin e kapitenit te skuadra zvicerane e Baselit, ka lënë gjurmë të pashlyeshme gjatë periudhës së tij në Anfield, ku u aktivizua nga viti 2018 deri në vitin 2021. Gjatë aventurës së tij me fanellën e 'Reds', ylli shqiptar arriti të kurorëzojë sukseset e tij me fitimin e trofeve më prestigjiozë, duke triumfuar në Premier League dhe në Ligën e Kampionëve.