Basha takon ambasadoren zvicerane: Vëmendje e veçantë projekteve të përbashkëta në transport

Ministri i Infrastrukturës dhe Transportit, Dimal Basha, ka zhvilluar një takim zyrtar me ambasadoren e re të Zvicrës në Kosovë, Anne-Lise Cattin Hennin, ku është vlerësuar lart partneriteti mes dy vendeve. Gjatë këtij takimi, palët vunë theksin te raportet e shkëlqyera bilaterale, ndërsa u ndalën në kontributin e çmuar të diasporës sonë si urë lidhëse e fuqishme për forcimin e këtyre marrëdhënieve, krahas mundësive për intensifikimin e bashkëpunimit. Diskutimet u fokusuan kryesisht te nismat dhe projektet e prekshme në sektorin e transportit, me qëllim avancimin e ndërveprimit dypalësh dhe konkretizimin e nismave zhvillimore. Në fund, nga kjo ministri u rikonfirmua vullneti i palëkundur për të çuar më tej bashkëpunimin me shtetin zviceran, përmes zbatimit të projekteve që shërbejnë drejtpërdrejt në interes të qytetarëve.