Tragjedi në Kosovë: Ndërron jetë Hafiz Mehmeti, gjendet pa shenja jetë nga Policia

Përfundojnë tragjikisht kërkimet për Hafiz Mehmetin, i cili ishte raportuar i zhdukur ditë më parë. Përmes një njoftimi zyrtar, Shoqata e Kosovës për Kërkim dhe Shpëtim (SHKKSH) ka bërë të ditur se ai është gjetur pa shenja jetë nga pjesëtarët e Policisë së Kosovës. Pas konfirmimit të këtij lajmi të hidhur, drejtuesit e SHKKSH-së i kanë drejtuar një telegram ngushëllimi familjarëve, miqve dhe gjithë të afërmve të viktimës, duke ndarë dhimbjen me ta në këto momente të vështira. Njëkohësisht, shoqata ka shprehur mirënjohjen e saj të thellë për të gjithë qytetarët dhe strukturat që u angazhuan dhe bashkëpunuan ngushtë në operacionin për gjetjen e Mehmetit gjatë gjithë kësaj periudhe. Kujtojmë se vetëm paraditen e sotme, e njëjta organizatë kishte lëshuar një apel publik për ndihmë drejtuar qytetarëve, për të bërë të mundur lokalizimin e tij. Hafiz Mehmeti ishte larguar nga banesa e tij më datë 06.10.2026, duke drejtuar automjetin e tij të tipit Mercedes-Benz, largim ky që kishte vënë në lëvizje autoritetet dhe vullnetarët.