Interesim i fuqishëm nga Madridi dhe Anglia për Scott McTominay, Napoli rrezikon ta humbasë yllin e saj

Real Madridi dhe një sërë skuadrash nga Liga Premier po ndjekin me vëmendje zhvillimet rreth mesfushorit Scott McTominay, nën skenarin që Napoli të mos arrijë një akord për zgjatjen e bashkëpunimit me lojtarin. Futbollisti skocez ndodhet aktualisht në vitin e tretë të marrëveshjes katërvjeçare që e lidhi me klubin italian në verën e vitit 2024, pas largimit nga Manchester United. Edhe pse kontrata e tij është e vlefshme deri në vitin 2028, në gadishull ekziston frika se merkatoja e verës së ardhshme mund të përbëjë shansin e fundit për klubin napolitan për të arkëtuar të ardhura të konsiderueshme nga një shitje e mundshme. Në të kundërt, mosarritja e një marrëveshjeje për rinovim rrezikon ta lejojë McTominay të largohet si free agent në përfundim të kontratës në vitin 2028. Të dhënat e fundit nga mediat italiane sugjerojnë se vetë lojtar ka udhëzuar agjentët e tij që të rinisin bisedimet me drejtuesit e Napolit për një kontratë të re. Megjithatë, në mungesë të një konsensusi të shpejtë, mesfushori mund të shqyrtojë propozimet nga skuadrat e tjera gjatë dritareve të ardhshme të transferimeve. Sipas burimeve të afërta me situatën, drejtuesit e Real Madridit kanë vendosur tashmë kontaktet e para me rrethin e lojtarit për t'u njohur me kushtet e tij aktuale, ndërsa lëvizje të ngjashme paralajmërohen edhe nga disa prej ekipeve elitare të kampionatit anglez. Nga ana e saj, drejtoria e Napolit nuk ka në plan ta nxjerrë në shitje MVP-në e Serie A për sezonin 2024/25, duke synuar ta mbajë atë në skuadër të paktën deri në përfundim të edicionit 2026/27. Një strategji e tillë do t'i jepte kohë shtesë palëve për të gjeruar hapësirat e dialogut dhe për të finalizuar një marrëveshje të re për mesfushorin kyç.