Kupa Evropiane në hendboll: Shqiponja e Gjakovës synon triumfin historik ndaj skuadrës nga Izraeli

Klubi i hendbollit Shqiponja ka përmbyllur përgatitjet intensive dhe është gati për hapin e parë drejt kualifikimit në fazën e 1/32-tës së Kupës Evropiane, ku do të matë forcat me kundërshtaret izraelite. Dueli i parë mes vashave gjakovare dhe ekipi Bnei Herzliya do të zhvillohet nesër me fillim nga ora 16:00, në palestrën sportive “Shani Nushi” në qytetin e Gjakovës. Në prag të këtij takimi të rëndësishëm ndërkombëtar, hendbollistja e skuadrës kuq e zi, Alma Nivokazi, i ka bërë thirrje publike publikut gjakovar që të mbushë tribunat dhe të jetë lojtari i tetë i ekipit. “Nesër dhe pasnesër na presin dy përballje të rëndësishme ndaj Izraelit, në Gjakovë,” ka deklaruar ajo. “Kemi nevojë për mbështetjen e secilit nga ju, që të tregojmë se bashkë mund t’ia dalim.” “Unë besoj në vajzat e ekipit tim, te puna që kemi bërë dhe te karakteri luftarak që ato kanë.” “Gjakovë, ejani të bëheni zëri ynë nga tribuna.” “Ne do të japim gjithçka që kemi, për ngjyrat kuq e zi!” Përveç sfidës së së premtes, edhe ndeshja e dytë e këtij çifti do të luhet në po të njëjtën palestrë, “Shani Nushi”, të shtunën, në orën e njëjtë prej 16:00.