Kryeministri Rama i dërgon urimin zyrtar Presidentes së re të Kosovës, Justina Shiroka-Pula

Kryeministri i Shqipërisë, Edi Rama, ka përcjellë një mesazh urimi për Justina Shiroka-Pulën, me rastin e zgjedhjes së saj në krye të shtetit të Kosovës si Presidente e Republikës. Kreu i ekzekutivit shqiptar ka vlerësuar rëndësinë e këtij momenti, duke theksuar se marrja e kësaj detyre vjen në një periudhë tejet të ndërlikuar dhe sfiduese, si për vetë Kosovën, ashtu edhe për zhvillimet gjeopolitike në rajonin tonë dhe në mbarë kontinentin evropian. “Urime të përzemërta akademikes së nderuar, znj. Justina Shiroka – Pula, për zgjedhjen e saj si Presidente e Republikës së Kosovës, në një fazë sfiduese për Kosovën dhe në një kohë sfiduese për të gjithë rajonin tonë dhe për vetë Evropën. Ju uroj suksese juve dhe Kosovës, Zonja Presidente”, ka shkruar Rama në mesazhin e tij.