Sonte nis sfida evropiane: Trepça dhe Bashkimi synojnë shkëlqimin në FIBA Europe Cup

Kampionia e Kosovës, Trepça, dhe nënkampioni e fituesi i Superkupës për edicionin e ri, Bashkimi, do të zbresin në parket mbrëmjen e sotme për të nisur aventurën e tyre në fazën e grupeve të FIBA Europe Cup për edicionin e ri. Ekipi nga Mitrovica është pozicionuar në Grupin A dhe do të matë forcat me skuadrën greke, Opavën, Splitin, Batumin dhe Trierin. Për "xehetarët", ky është sezoni i katër rresht në skenën evropiane, ku synojnë të lënë gjurmë dhe të regjistrojnë suksese të reja. Në krahun tjetër, skuadra e Bashkimit do të përballet me sfidën e parë kundër Valmiera Glass Via. Dueli i prizrenasve është parashikuar të nisë nga ora 19:00 dhe do të zhvillohet në atmosferën e palestrës sportive “Sezai Surroi” në Prizren. Të dyja këto klube bëjnë pjesë në Grupin F të këtij kompeticioni evropian, grup ky ku bëjnë gjithashtu pjesë emra të njohur si Chalon/Saone, Kalev/Cramo dhe Manchester Basketball.