Skandali i videove intime/ Reagon Drenusha Latifi: Intimiteti është pjesë e jetës, nuk përbën turp

Drenusha Latifi është figura më e re publike që ka thyer heshtjen pas valës së shpërndarjes masive të materialeve intime, të cilat kanë dominuar rrjetet sociale gjatë ditëve të fundit. Ndërkohë, kjo ngjarje ka kaluar në fazë zyrtare. Sektori i Krimeve Kibernetike ka nisur hetimet intensive me qëllim zbardhjen e burimit dhe identifikimin e profileve që kanë mundësuar publikimin apo transmetimin e këtyre pamjeve. Në kuadër të këtyre veprimeve, kompozitori i njohur Adrian Hila është paraqitur mbrëmjen e së enjtes pranë Policisë së Tiranës për të dhënë dëshminë e tij. Gjatë marrjes në pyetje, Hila ka mohuar çdo lidhje me shpërndarjen e materialeve, duke ngritur pretendimin se llogaritë e tij janë rënë pre e një sulmi kibernetik (hakerimi). Në mes të këtij debati të gjerë publik dhe tensionit të krijuar, Drenusha ka preferuar të orientojë fokusin e diskutimit nga natyra e vetë videove drejt shkeljes së rëndë të privatësisë që u është bërë individëve të përfshirë.