Tensioni zhvendoset në rrugët e Tiranës: Policia rrethon kryeqytetin dhe nis shoqërimet e para të protestuesve

Pas tubimit të zhvilluar në afërsi të Kryeministrisë, situata ka marrë një tjetër rrjedhë, pasi pjesëmarrësit në protestë janë shpërndarë në disa pika kyçe të kryeqytetit. Një grup prej tyre është vendosur në ambientet e parkut “Rinia”. Në këtë linjë, strukturat e rendit kanë ndryshuar strategjinë duke u larguar nga bulevardi kryesor dhe janë pozicionuar në zona të ndryshme të qytetit të Tiranës, ku tashmë kanë nisur edhe procedurat e shoqërimit të qytetarëve në komisariate. Gjendja në terren mbetet ende e acaruar, ndërkohë që efektet e protestës po shtrihen gjeografikisht në disa lagje dhe sheshe të tjera të kryeqytetit.