Philadelphia ngjitet në majë të Konferencës së Lindjes, mbrëmje magjike për yjet e NBA-së

Philadelphia ka regjistruar fitoren e saj të pestë radhazi, duke triumfuar në transfertë ndaj Detroitit me rezultatin 112-106, një sukses ky që i ka dhënë kreun e renditjes në Konferencën e Lindjes. Në këtë përballje, diferencën në parket e bënë Joel Embiid me 26 pikë dhe Jaylen Brown me 30 pikë. Ndërkohë, skuadra e Bostonit ia doli të mposhtë Milwaukee-n me shifrat 109-102, falë një kontributi prej 49 pikësh nga dyshja George-White. Në Konferencën e Perëndimit, Los Angeles Lakers morën një fitore të rëndësishme 116-103 ndaj Sacramentos, në një takim ku Luka Doncic dhuroi spektakol duke shënuar 40 pikë. Një ndeshje mjaft e luftuar u zhvillua edhe mes Clippers dhe Miamit, ku pas kohës shtesë triumfuan miqtë me rezultatin 117-116. Për Miamin u dalluan Adebayo me 35 pikë dhe Thompson me 30 të tilla. Formacioni i Oklahoma City Thunder vazhdoi rrugëtimin e tij pa gabuar, duke mposhtur Clevelandin me shifrat 124-116, ku u dallua Alexander Shai me një paraqitje fantastike prej 42 pikësh. Kampionët e New York-ut nuk zhgënjyen përballë Chicagos, duke fituar bindshëm 135-105 ku spikatën 33 pikët e Brunson, kurse San Antonio regjistroi një fitore dramatike në sekondat e fundit ndaj Dallasit me rezultatin 112-111, ndeshje në të cilën Victor Wembanyama shkëlqeu me 52 pikë dhe 24 kërcime. Rezultatet e plota të mbrëmjes në NBA: Detroit – Philadelphia, 106-112 Washington – Atlanta, 105-120 Boston – Milwaukee, 109-102 Brooklyn – Charlotte, 114-104 New York – Chicago, 135-105 Memphis – Indiana, 103-107 New Orleans – Utah Jazz, 120-113 Oklahoma – Cleveland, 124-116 Houston – Minnesota, 107-117 Phoenix – Portland, 119-132 San Antonio – Dallas, 112-111 Sacramento – Lakers, 103-116