Gjashtë vite nga arrestimi në Hagë, Bedri Hamza kërkon drejtësi për ish-krerët e UÇK-së

Në gjashtëvjetorin e ndalimit të ish-udhëheqësve të Ushtrisë Çlirimtare të Kosovës nga Dhomat e Specializuara, ka reaguar figura e njohur politike Bedri Hamza, i cili ka theksuar rëndësinë e vendosjes së drejtësisë për ta. Sipas Hamzës, pavarësisht kohëzgjatjes dhe sfidave, asnjë vendim apo proces i padrejtë nuk ka fuqi të gjunjëzojë, të nënshtrojë apo të ndryshojë të vërtetën historike të popullit të Kosovës për liri. Në mesazhin e tij publik, ai ka përsëritur thirrjen për epilog të drejtë dhe liri të menjëhershme për Hashim Thaçin, Kadri Veselin, Jakup Krasniqin, Rexhep Selimin dhe të gjithë luftëtarët e tjerë që po përballen me këtë proces gjyqësor.