Besnikëri në Mynih: Harry Kane vazhdon bashkëpunimin me Bayernin deri në vitin 2029

Bayern Munich ka zyrtarizuar vazhdimin e bashkëpunimit me sulmuesin Harry Kane, i cili ka firmosur një kontratë të re që e mban atë në radhët e gjigantit bavarez deri në qershor të vitit 2029. Nëpërmjet këtij vendimi, klubi gjerman ka shuar përfundimisht çdo zë apo spekulim që qarkullonte për një largim të mundshëm të yllit anglez. Që nga momenti i transferimit të tij, Kane është shndërruar në boshtin kryesor të skuadrës, fakt që u nënvizua edhe nga klubi me mesazhin emocionues: “Futbollisti ynë i vitit në botë qëndron!”. Duke komentuar këtë marrëveshje, Harry Kane shprehu entuziazmin e tij për të ardhmen në Mynih. “Ndjej shumë krenari që jam pjesë e Bayern Munichut. E dua këtë klub, tifozët dhe Allianz Arenën. Kemi një skuadër fantastike dhe një trajner fantastik si Vincent Kompany. Jam shumë krenar për këtë angazhim për të qëndruar këtu”, deklaroi sulmuesi pas zyrtarizimit të kontratës së re. Kujtojmë se Harry Kane iu bashkua Bayernit në vitin 2023 nga Tottenhami. Që nga ajo kohë, ai ka treguar një formë të jashtëzakonshme, duke regjistruar 161 paraqitje, ku ka arritur të tundë rrjetën 156 herë dhe të asistojë 41 herë për bashkëlojtarët e tij.