KEDS paralajmëron ndërprerje të energjisë elektrike për datën 8 maj: Ja zonat që do të preken

Kompania Kosovare për Distribuimin e Energjisë Elektrike (KEDS) ka njoftuar se ditën e premte, më 08.05.2026, do të realizojë një sërë punimesh teknike për të rritur sigurinë dhe qëndrueshmërinë e sistemit energjetik. Për shkak të këtyre ndërhyrjeve të planifikuara, në disa rajone të vendit do të ketë ndërprerje të përkohshme të furnizimit me rrymë. Në rajonin e Prishtinës, përkatësisht nga TS 35/10 kV Koliq, do të ketë ndërprerje në daljen 10 kV të Sharbanit (kodi: 14016003) nga ora 10:00 deri në 15:30. Kjo masë është ndërmarrë për pastrimin e trasesë dhe do të prekë vendbanimet: Sharban, TS Sharban, TS Alshiqt, TS Halabak, TS Dyzi 1 dhe 2, TS Tërrnavë, TS Vanovcë, si dhe TS Bellopojë 1, 2, 3, 4 dhe TS Private (Bellopojë). Sa i përket rajonit të Deçanit, nga TS 110/10 kV, dalja 10 kV Barani (kodi: 53000002) do të jetë jashtë funksionit nga ora 09:30 deri në 17:00. Arsyeja e këtij ndërprerjeje është zëvendësimi i transformatorit dhe punimet përcjellëse në linjë. Zonat e prekura përfshijnë: Beranin, Prapaqanin, Broliqin, Krushecin e Ri, Rashiqin, Gjocajt, Turjakën e Ulët, Vranocin e Madh dhe të Vogël, Baranin e Ulët, Qallapekun, Kusoriqin, Llugagjitë dhe Buqanin. Për rajonin e Prizrenit, punimet janë të ndara në dy segmente. Nga TS 110/10 kV Prizreni 3, në daljen 10 kV Zhupa (stabilizimet degëzimi Frutti – Prevallë), energjia do të mungojë nga ora 10:00 deri në 15:30 në shumë nënstacione 10/0.4 kV, duke prekur vendbanimet: Manastiricë, Llokvicë, Neprogoshte, Reqan, Pllanjane, Lubinjë e Epërme dhe e Ulët, Gornjasellë, Mushnikovë, si dhe Prevallën, Sredskën, Stajkovcin, Bogoshevcin e Drajqiqin. Së fundi, nga TS 110/35/10 kV Prizreni 1 (H04), për shkak të punimeve në kokat kabllovike dhe zhvendosjes së kabllove, do të ketë ndërprerje totale të daljes 35 kV dhe 10 kV në linjën Zhur – Dragash (H01) nga ora 09:00 deri në 15:00. Kjo ndërprerje do të përfshijë një numër të madh fshatrash në zonën e Dragashit dhe Zhurit, si dhe subjekte të ndryshme afariste që operojnë në këto zona.