Kosova nën ndikimin e vranësirave, ja çfarë temperaturash na presin sot

Dita e enjte në territorin e Kosovës do të karakterizohet nga një mot kryesisht i vranët, ndërsa vlerat termike do të mbeten në nivele relativisht të ulëta gjatë gjithë ditës. Bazuar në të dhënat e Institutit Hidrometeorologjik, gjatë orëve të para të ditës dhe mbrëmjes, temperaturat minimale do të sillen ndërmjet 0 dhe 3 gradë Celsius. Ndërkaq, gjatë pikut të ditës, temperaturat maksimale pritet të shënojnë vlera ndërmjet 5 dhe 8 gradë Celsius. Sa i përket parametrave të erës, ajo do të fryjë nga drejtimi i veriperëndimit, me një shpejtësi të lehtë prej 1 deri në 4 metra për sekondë.