Sulm kibernetik me dëme miliona euro ndaj institucionit të njohur financiar francez

Institucioni i njohur financiar francez, Crédit Mutuel Arkéa, bëri të ditur gjatë ditës së martë se është bërë cak i një sulmi kibernetik, i cili ka mundësuar kryerjen e transaksioneve mashtruese. Megjithatë, drejtuesit e bankës siguruan se situata tashmë është vendosur nën kontroll të plotë dhe se klientët nuk do të pësojnë kurrfajë dëmi financiar. Sipas të dhënave të publikuara nga shtypi vendas, dëmet e shkaktuara nga ky incident digjital llogariten në rreth 133 milionë dollarë, shifër kjo që përkon me afërsisht 118 milionë euro. Ndërkaq, zbulimi i këtij sulmi kibernetik iu atribua një specialisti amerikan të sigurisë digjitale, i njohur ndërkombëtarisht nën pseudonimin “ZachXBT”, ekspertiza e të cilit shtrihet kryesisht në fushën e kriptomonedhave dhe gjurmimit të pastrimit të parave.