Tronditëse në Argjentinë: 10-vjeçarja përfundon në spital për shkak të dhimbjeve të barkut, zbulohet se është në muajin e gjashtë të shtatzënisë

Një ngjarje e rëndë ka tronditur opinionin publik, pasi një fëmijë 10-vjeçar është dërguar urgjentisht në një spital në Santiago del Estero të Argjentinës, për shkak të dhimbjeve të forta në bark. Gjatë ekzaminimeve mjekësore, stafi i spitalit ka bërë zbulimin tronditës se e mitura ishte shtatzënë në muajin e gjashtë. Alarmi u ngrit kur nëna e viktimës informoi bluzat e bardha se vajza kishte muaj pa pasur ciklin menstrual. Sipas informacioneve të siguruara nga autoritetet policore, ekziston dyshimi i fortë se e mitura është abuzuar seksualisht vazhdimisht nga njerku i saj brenda ambienteve të shtëpisë familjare në zonën El Bacho. Në një dëshmi publike, gjyshja e 10-vjeçares ka treguar se më parë e kishte porositur të bijën që të mos i besonte atij burri, i cili kishte krijuar lidhje me nënën e vajzës përmes komunikimit telefonik. Ajo ka rrëfyer gjithashtu se fatkeqësisht edhe ajo vetë kishte rënë viktimë e abuzimit seksual kur ishte vetëm tetë vjeçe. Rasti ka lënë pa fjalë edhe mësuesen e shkollës së viktimës, e cila ka theksuar se e mitura nuk kishte shfaqur asnjë shenjë apo ankesë lidhur me sjelljen e njerkut të saj. “Ajo është një nxënëse e qetë dhe i përfundon rregullat e detyrave. Nuk kam vënë re asnjë ndryshim në sjelljen e saj dhe nuk ka shfaqur asnjëherë ndonjë krizë emocionale”, u shpreh mësuesja.