Besnik Tahiri ashpër ndaj ekzekutivit: Lëvizja Vetëvendosje ka kapur shtetin, meritokracia është zëvendësuar nga nepotizmi

Kryetari i Grupit Parlamentar të Aleancës për Ardhmërinë e Kosovës, Besnik Tahiri, ka drejtuar akuza të rënda ndaj Qeverisë, duke e akuzuar atë për kapje të institucioneve shtetërore, klientelizëm politik dhe përfshirje në punësime të militantëve partiakë e familjarëve në sektorin publik, me theks të veçantë në Ministrinë e Punëve të Jashtme dhe Diasporës. Përmes një reagimi të publikuar në rrjetet sociale, deputeti Tahiri ka theksuar se praktika e deritanishme e favorizimit të njerëzve të afërt dhe të afërmve të pushtetit ka dëmtuar rëndë parimin e meritokracisë në administratën shtetërore.