Nga skena te BBVK 5: Cila është identiteti i vërtetë dhe e kaluara muzikore e banorit Nichi?

Që nga momentet e para të hyrjes së tij në shtëpinë më të famshme në vend, Big Brother VIP Kosova 5, banori Nichi ka arritur të rrëmbejë vëmendjen e publikut falë energjisë, natyrës humoristike dhe karakterit të veçantë që po shfaq çdo ditë. Reperi i njohur po tregohet tejet dinamik brenda lojës, duke u bërë pjesë e rëndësishme e debateve, situatave të ndryshme dhe komunikimit të vazhdueshëm me konkurrentët e tjerë në këtë edicion të pestë. Megjithatë, përtej imazhit të krijuar në ekran, shumë prej ndjekësve pyesin se cili fshihet pas emrit artistik të tij. Në realitet, reperi thirret Bleon Krasniqi, ndërsa pseudonimi i tij skenik “Nichi” vjen si një formë e shkurtuar dhe e përshtatur nga vetë mbiemri i tij. I lindur në datën 8 nëntor 2002, Nichi i është përkushtuar artit muzikor që në moshën 17-vjeçare, duke sjellë për publikun projekte të njohura si “Manekene” dhe “Kartela”. Përmes kësaj gare televizive, artisti i ri po synon të zbulojë dimensione të reja të personalitetit të tij, duke u dhënë mundësi fansave ta njohin atë përtej kufijve të muzikës.