Zubin Potok: Policia sekuestron armë zjarri dhe municion në një hambar, nis hetimet për rastin

Një arsenal armësh dhe municionesh është zbuluar dhe sekuestruar nga Policia e Kosovës gjatë një operacioni të zhvilluar në fshatin Kleçkë të komunës së Zubin Potokut, pas sinjalizimeve të marra nga qytetarët. Sipas njoftimit zyrtar, aksioni u ndërmarr më 31 tetor nga efektivët e Drejtorisë Rajonale të Policisë në Mitrovicë Veri, pasi dyshimet e arsyeja çuan në përfundimin se në atë hapësirë fshiheshin armë dhe mjete të tjera të kundërligjshme. Gjatë kontrollit të detajuar në objektin ndihmës, autoritetet e rendit arritën të gjejnë dhe konfiskojnë një pushkë gjuetie gjysmëautomatike, një pushkë gjuetie dytytëshe, një revole të tipit TT me karikator të zbrazët, 33 fishekë për armë të gjata, një këllëf me optikë për armë të gjatë, si dhe dy karikatorë të zbrazët për armë të gjata. Në lidhje me këtë ngjarje, autoritetet policore kanë konfirmuar se deri më tani nuk është regjistruar asnjë arrestim. Të gjitha veprimet e ndërmarra në terren i janë referuar Prokurorit të Shtetit, i cili ka lëshuar udhëzimet për nisjen e procedurave penale për veprën “Mbajtje në pronësi, kontroll ose posedim të paautorizuar të armëve”.