Akuza të rënda nga Alba Pollozhani: Banorja e Big Brother VIP Kosova 5 po keqpërdor imazhin tonë

Një bisedë e zhvilluar brenda shtëpisë më të famshme në vend, Big Brother VIP Kosova 5, nga Arlinda Morina, ka shkaktuar një valë reagimesh të ashpra jashtë saj. Këtë herë ka qenë Alba Pollozhani ajo që ka ngritur akuza të rënda në drejtim të banores. Debati ka marrë hov pasi Arlinda ka diskutuar me banorët e tjerë rreth idesë për xhirimin e një filmi, duke rikthyer në vëmendje një nismë që, sipas Albës, ka mbetur thjesht në letër dhe nuk është finalizuar kurrë. Përmes disa postimeve të shpërndara në rrjetin social Instagram, Alba i është drejtuar publikisht Arlinda Morinës dhe Edonit Elshanit, duke shpjeguar se ata ishin angazhuar vetëm për përgatitjen e një materiali promovues (teaser), i cili fillimisht do të shërbente thjesht për të testuar cilësinë e punës së tyre dhe jo për shpërndarje publike. “Na morët për të bërë teaser, për të parë njëherë punën, jo për ta publikuar”, ka shkruar ajo, duke theksuar se ky material vijon të qarkullojë publikisht pa marrë më parë pëlqimin e personave të përfshirë në të. Sipas pretendimeve të Pollozhanit, situata bëhet edhe më e rëndë për shkak të përdorimit të imazheve të tyre për të joshur sponsorë për një projekt kinematografik, për të cilin ajo insiston se nuk ka asnjë marrëveshje apo kontratë të firmosur. “Kërkoni sponsorë me figurat tona pa aprovimin tonë për pjesëmarrje dhe pa nënshkrim kontrate”, ka shtuar ajo në akuzat e saj publike. Megjithatë, reagimi i saj nuk është ndalur me kaq, pasi në postimet e radhës ajo ka përdorur një fjalor shumë më të ashpër, duke i etiketuar personat në fjalë si mashtrues dhe individë që shfrytëzojnë të tjerët. “Ironia e jetës! Dalin bëjnë moralin e jetës, gjakpirësit!”, ka shkruar ji, duke i quajtur gjithashtu “mashtrues deluzionalë”, të cilët, sipas bindjes së saj, synojnë të arrijnë përfitime financiare dhe famë në kurriz të mundit të të tjerëve. Pollozhani ka deklaruar me bindje se i posedon të gjitha provat për pretendimet e saj, duke shtuar shkurtimisht: “I kam me fakte! Me dokumente!” Ajo ka paralajmëruar gjithashtu se do të ndërmarrë hapa ligjorë për dëmtim të imazhit dhe mashtrim, duke e mbyllur reagimin e saj me thirrjen: “Stop gjakpirësit! Asnjë falje!” Vlen të theksohet se këto akuzuara mbeten ende vetëm pretendime të ngritura nga Alba Pollozhani dhe nuk janë verifikuar ende në rrugë të pavarura. Ndërkohë, Arlinda Morina vijon rrugëtimin e saj si pjesë e edicionit të pestë të formatit Big Brother VIP Kosova, ndërsa deri më tani nuk ka ndonjë reagim apo qëndrim zyrtar të konfirmuar prej saj lidhur me këto zhvillime.