Emocione dhe lot gëzimi në studio, prezantuesja e njohur surprizohet papritur nga e bija

Këtë mbrëmje, programi i njohur “Goca dhe Gra” i është kushtuar festës së Halloween-it, duke sjellë për shikuesit atmosferë festive dhe jo pak surpriza. Në momentin e hapjes së emisionit, ndërkohë që moderatoret po nisnin transmetimin, në studio kanë hyrë disa fëmijë të veshur me kostume tematike, të cilët kanë sjellë një dinamikë ndryshe në nisje të mbrëmjes. Mes vogëlusheve që u futën në skenë ishte edhe vajza e Orinda Hutës. Përballë këtij momenti të papritur, moderatorja nuk ka mundur t'i përmbajë lotët e emocionit dhe të gëzimit. “E mbajti surprizën… E nisi që în mëngjes: ‘Kam një surprizë për ty’, dhe babi që e thërriste ‘hajde poshtë’. Ishte e tepërt”, u shpreh ajo duke qeshur dhe e përlotur nga ky gjest i ëmbël.