Urimet ndërkombëtare për Kurtin, liderët e rajonit dhe Gjermania u dërgojnë mesazhe për mandatin e ri qeverisës

Kryeministri i Republikës së Kosovës, Albin Kurti, ka vazhduar të pranojë mesazhe urimi nga personalitete dhe shtete të ndryshme me rastin e zgjedhjes së Qeverisë së re dhe nisjes së këtij mandati qeverisës. Bazuar në njoftimin zyrtar të ekzekutivit kosovar, urimet drejtuar kreut të qeverisë kanë mbërritur nga homologët e tij rajonalë, përkatësisht nga kryeministrat e Maqedonisë së Veriut dhe të Malit të Zi. Po ashtu, ndër urimet e para për kreun e ekzekutivit të Kosovës ka qenë edhe ai i përcjellë përmes një mesazhi nga Ambasada e Gjermanisë në vend.