Manchester Unitedi shënjestron yllin e Atleticos, zbulohet plani për ta vëzhguar nga afër në Ligën e Kampionëve

Përballja e mbrëmshme në Ligën e Kampionëve pritet t'i shërbejë Manchester Unitedit jo vetëm për rezultat, por edhe për të skanuar nga afër një nga objektivat kryesorë për merkaton e ardhshme. Sipas mediave ndërkombëtare, stafi teknik i gjigantit anglez, i udhëhequr nga trajneri Michael Carrick, do ta ketë fokusin te paraqitja e Giuliano Simeones. Për sulmuesin argjentinas, “Djajtë e Kuq” thuhet se po përgatisin lëvizje konkrete gjatë afatit kalimtar të janarit, ndërkohë që konkurrenca për shërbimet e tij mbetet e fortë për shkak të interesimit nga Tottenham Hotspur dhe Manchester City. Pavarësisht interesimit të madh nga Premierliga, Atletico Madridi nuk ka plane ta lëshojë talentin e saj. Sulmuesi 23-vjeçari ka firmosur së fundmi zgjatjen e kontratës deri në vitin 2030, ndërsa klauzola e tij e lirimit kap shifrën e majme prej 500 milionë eurosh. Klubi nga Old Traffordi synon që ndeshjet evropiane t'i shfrytëzojë si mundësi ideale për të bindur drejtuesit e tyre për vlerat e lojtarit, i cili mbetet ndër emrat më të lakuar në tregun e transferimeve. Dueli mes Atletico Madridit dhe Manchester Unitedit vjen në një moment delikat për anglezët, të cilët udhëtuan pas barazimit 1-1 kundër Tottenhamit në kampionat – një seri negative me vetëm një fitore në gjashtë takimet e fundit. Megjithatë, në skenën evropiane, Unitedi kishte nisur rrugëtimin në mënyrë perfekte me triumfin bindës 4-0 ndaj Sabahut.