Ngritje e kapaciteteve në veri: Policia rajonale e Mitrovicës pajiset me dron profesional

Drejtoria Rajonale e Policisë në Mitrovicën e Veriut ka shtuar kapacitetet e saj operacionale, pasi është bërë me një dron profesional. Ky mjete fluturues i është dorëzuar kësaj njësie nga Sindikata e Policisë së Kosovës, e cila e kishte siguruar atë përmes një donatori. Sipas njoftimit zyrtar, ky donacion vjen në funksion të mbështetjes së aktiviteteve në terren dhe synon të fuqizojë performancën e forcave të rendit, duke mundësuar një realizim sa më efikas të detyrave dhe përgjegjësive ligjore gjatë orarit zyrtar. Nga Sindikata e Policisë së Kosovës është bërë e ditur se angazhimi i tyre mbetet i fokusuar në mbështetjen e çdo njësie, rajoni apo zyrtari policor, me synimin parësor për përmirësimin e kushteve të punës dhe ngritjen e profesionalizmit në detyrë. Në fund, kjo strukturë sindikale ka shprehur falënderime të sinqerta për donatorin, duke e cilësuar këtë ndihmë si një gur temel në mbështetjen e misionit madhor të Policisë së Kosovës për garantimin e sigurisë në shërbim të të gjithë qytetarëve.