Hoti i kthen përgjigje të fortë Daçiqit: Vizito Prizrenin dhe merr Radoiçiqin me vete

Ministri për Punë, Familje dhe Vlerat e Luftës Çlirimtare, Andin Hoti, ka reaguar ashpër ndaj deklaratave të zyrtarit serb Ivica Daçiq, i cili pretendoi se flamuri i Serbisë do të valëvitet sërish në qytetin e Prizrenit. Përmes një publikimi në rrjetet sociale, Hoti e ka sfiduar hapur Daçiqin që të vizitojë personalisht Prizrenin, duke i sugjeruar që në këtë udhëtim të shoqërohet edhe nga Milan Radoiçiqi, i cili kërkohet për përgjegjësi në sulmin e armatosur në Banjskë. "Daçiq, eja në Prizren! Të presim! Merre edhe Radoiçiqin me vete", ka deklaruar Hoti në reagimin e tij. Më tej, anëtari i kabinetit qeveritar ka kujtuar se Prizreni është pjesë e pandashme e Kosovës dhe se shteti është republikë e pavarur, duke shtuar se ambiciet hegjemoniste dhe planet pushtuese kanë marrë fund përgjithmonë në qershor të vitit 1999, falë luftës së ndershme të Ushtrisë Çlirimtare të Kosovës dhe ndërhyrjes vendimtare të aleancës së NATO-s.