Standarde të larta ndërkombëtare: Përfundon me sukses trajnimi i Policisë Ushtarake të FSK-së për Mbrojtje të Afërt

Pjesëtarët e Policisë Ushtarake pranë Forcës së Sigurisë së Kosovës (FSK) kanë kurorëzuar me sukses trajnimin e specializuar për Mbrojtje të Afërt, një program ky i zhvilluar në bashkëpunim të ngushtë me partnerët e Policisë Ushtarake Gjermane. Lajmi është bërë i ditur nga ministri i Mbrojtjes, Ejup Maqedonci, i cili përmes një njoftimi publik ka theksuar se ky cikël trajnimesh ka shërbyer për të ngritur ndjeshëm shkathtësitë profesionale dhe operacionale të efektivëve tanë në fushën e sigurisë dhe mbrojtjes së afërt. Kreu i Mbrojtjes ka vënë në pah se ky kurs intensiv i ka pajisur pjesëmarrësit me njohuri dhe shkathtësi të alçuara, të ndërtuara në përputhje të plotë me kriteret dhe standardet më të larta ndërkombëtare. "Bashkëpunimi ndërmjet Ministrisë së Mbrojtjes së Kosovës dhe asaj të Gjermanisë vazhdon të kontribuojë në ngritjen e kapaciteteve dhe profesionalizmit të FSK-së", ka deklaruar Maqedonci.