Ferizajasit rrëmbejnë një pikë vendimtare në Prizren dhe ruajnë kreun

Dinamo e Ferizajt ka konfirmuar formën e lartë dhe ambiciet për këtë edicion, duke siguruar një rezultat pozitiv në transfertën e vështirë përballë Lirisë në Prizren, rezultat ky që i mban në majën e renditjes. Në kuadër të xhiros së dhjetë të Ligës së Parë të Kosovës, sfida mes Lirisë dhe Dinamos është mbyllur pa gola, me shifrat 0:0, duke bërë që të dyja skuadrat të ndajnë nga një pikë në këtë përballje. Pavarësisht lojës së fortë dhe angazhimit maksimal në fushë përgjatë 90 minutave, sulmuesve të të dyja kampeve u mungoi saktësia e duhur në metrat e fundit për të gjetur rrugën e rrjetës. Falë këtij barazimi, Dinamo e Ferizajve mbetet lider e vetme në tabelë me 19 pikë të grumbulluara, ndjekur nga Prishtina e Re që pozicionohet e dyta me 18 pikë. Ndërkohë, ekipi i Lirisë zbret në shkallën e tretë të klasifikimit me 17 pikë, duke u ndalur me pikë të barabarta me Rilindjen 1974, e cila pozicionohet menjëherë pas saj në vendin e katërt.