Tirana zyrtare dënon sulmet ndaj Arabisë Saudite, diplomacia shqiptare: Veprime të pajustifikueshme ndaj civilëve

Ministri për Evropën dhe Punët e Jashtme i Shqipërisë, Ferit Hoxha, ka reaguar ashpër ndaj agresionit të fundit të ndërmarrë nga grupi Huthi në drejtim të Arabisë Saudite, duke shprehur njëkohësisht mbështetjen e palëkundur të vendit tonë për autoritetet dhe popullin saudit. Nëpërmjet një deklarate të shpërndarë në platformën sociale X, kryediplomati shqiptar ka vënë në dukje se goditja e popullsisë civile dhe objekteve jetësore përbën një akt të papranueshëm, ndërsa ka kërkuar që autorët e këtyre krimeve të përballen me drejtësinë. "Nuk mund të ketë asnjë justifikim për sulmet ndaj civilëve dhe infrastrukturës civile. Përgjegjësit duhet të mbajnë përgjegjësi. U shprehim ngushëllimet tona më të thella familjeve të viktimave dhe solidaritetin tonë të plotë me popullin dhe autoritetet e Arabisë Saudite", ka shkruar ministri Hoxha në reagimin e tij.