Deklarata e bujshme e Xhevat Prekazit: Nuk e përcjell fare futbollin e Kosovës

Ish-futbollisti i njohur, Xhevat Prekazi, ka tërhequr sërish vëmendjen e opinionit publik me prononcimet e tij rreth futbollit kosovar, duke shfaqur edhe një herë qëndrime që kanë krijuar bujë. Prekazi, i cili i ka bërë hapat e parë të karrierës së tij në fushën e blertë te skuadra e Remontit nga Mitrovica, ka theksuar se nuk ka asnjë interesim për ndeshjet e Kosovës. “Nuk e kqyri Kosovën, e shikoj veç Liverpoolin, Boca Junior e Galatasaray. As Partizanin nuk e shikoj. S’ka futboll sot, s’ma plotësojnë zemrën dhe nuk kam dëshirë me humb kohën me pa diçka që nuk vlen asgjë”, ka deklaruar ai gjatë një interviste për mediumin nga Maqedonia e Veriut, “Open TV”. Për ish-lojtarin e mirënjohur, klubet ndërkombëtare si Boca Juniors dhe Galatasaray mbeten zgjedhjet e tij kryesore, duke lënë plotësisht në plan të dytë zhvillimet e futbollit vendor.