Duel historik në Çair: Shkëndija e Haraçinës hap dyert për “Ballistët” e Tetovës

Këtë të diel, duke filluar nga ora 13:00, stadiumi në Çair do të jetë nikoqir i një prej sfidave më interesante të javës së nëntë në Ligën e Parë të Maqedonisë së Veriut, ku do të matin forcat Shkëndija e Haraçinës dhe ajo e Tetovës. Kjo përballje merr një peshë të veçantë, pasi shënon takimin e parë historik në elitën e futbollit vendor mes dy skuadrave që mbajnë të njëjtin emër. Një lajm tjetër i rëndësishëm për këtë ngjarje sportive është konfirmimi se në tribuna do të jenë të pranishëm edhe tifozët mysafirë. Edhe pse në fazën fillulare organizatorët kishin vendosur të mos lejonin praninë e tifozëve nga Tetova, situata ka ndryshuar. Vetë grupi i njohur i tifozëve “Ballistët” ka njoftuar se pas një kthese në vendimmarrje nga ana e nikoqirëve, atyre u është dhënë drita jeshile për të udhëtuar drejt Shkupit. Përveç rëndësisë jetike për pikët në tabelë, ky duel premton një spektakël të vërtetë edhe në shkallët e stadiumit, ku pritet një atmosferë e zjarrtë falë pranisë së organizuar të tifozëve në Çair.