Tragjedi në Gjilan: Burri dyshohet se ekzekuton bashkëshorten dhe mikun e tyre, plagoset një tjetër

Një ngjarje e rëndë tronditi pasditen e së premtës fshatin Livoq të Gjilanit, ku dyshohet se një person ka privuar nga jeta bashkëshorten e tij dhe një mik, si dhe ka lënë të plagosur një person tjetër. Sipas të dhënave paraprake, viktima dyshohet të jetë nga familja Bogujevci e fshatit Livoq, kurse dyshohet se i dyshuari për këtë krim i takon familjes Ramushi me origjinë nga Llashtica. Autoritetet po hetojnë pistën se motivi i këtij krimi makabër mund të ketë lidhje me konflikte të brendshme familjare dhe një kërkesë të mëparshme për divorc, megjithëse këto dyshime mbeten ende pa një konfirmim zyrtar. Forca të shumta të Policisë së Kosovës kanë mbërritur menjëherë në vendin e ngjarjes dhe po kryejnë veprimet e nevojshme hetimore për zbardhjen e plotë të rrethanave. Lidhur me këtë ngjarje tragjike, është kontaktuar zëdhënësi i Policisë për rajonin e Gjilanit, Ismet Hashani, i cili ka bërë të ditur se shumë shpejt do të ketë një deklaratë zyrtare për media.