Përplasje mes dy makinave në aksin Pogradec-Lin, plagoset një person

Një ngjarje rrugore është shënuar pasditen e kësaj të premteje në aksin nacional Pogradec-Lin, konkretisht pranë fshatit Piskupat, ku dy automjete janë përfshirë në një përplasje. Si pasojë e këtij incidenti trafiku, një shtetas ka pësuar lëndime dhe është dërguar menjëherë drejt Spitalit të Pogradecit për të përfituar trajtimin e nevojshëm mjekësor. Referuar informacioneve paraprake, fatmirësisht i dëmtuari është jashtë rrezikut për jetën. Ndërkaq, forcat e rendit kanë mbërritur menjëherë në vendngjarje dhe po kryejnë veprimet hetimore për të zbuluar shkaqet dhe dinamikën e plotë të aksidentit.