E ardhmja është e sigurt: Talenti shqiptar Ilan Memeti firmos kontratë afatgjatë me Lausanne-Sport

Në moshën vetëm 16-vjeçare, ai ka siguruar një marrëveshje afatgjate, duke tërhequr vëmendjen e disa skuadrave të ndryshme evropiane. Ilan Memeti, portieri i ri me origjinë nga fshati Miratoc i Luginës së Preshevës, po konsiderohet si një nga talentet më të spikatura nën gardh, ndërsa drejtuesit e Lausanne-Sport kanë vepruar shpejt për të siguruar shërbimet e tij. Gardiani i talentuar, i cili gjatë edicionit të kaluar u kurorëzua kampion i Zvicrës në kategorinë U16 me fanellën e klubit zviceran, ka hedhur firmën mbi kontratën e re që e mban të lidhur me skuadrën deri në muajin qershor të vitit 2029. Kontributi i Memetit ishte vendimtar në fazën përmbyllëse të sezonit të shkuar, ku ndërhyrjet e tij vendimtare në finalen e kampionatit zviceran U16 i dhanë drejtimin e duhur Lausanne-Sport për të ngritur trofeun e më të mirit. Këto paraqitje të nivelit të lartë nuk kaluan pa u lënë në harresë nga vëzhguesit e futbollit. Pavarësisht ofertave dhe interesimit të shfaqur nga jashtë kufijve të Zvicrës, drejtuesit e klubit preferuan t'i japin hov potencialit të tij, duke e integruar në planet afatgjate të skuadrës. Në rrafshin ndërkombëtar, Memeti luan përfaqëson Maqedoninë e Veriut U17, pas angazhimit të mëparshëm me grupmoshën U16.