Pak kohë pas largimit nga Ferizaj, Alban Dragusha merr drejtimin e skuadrës së njohur

Vetëm pak ditë pas përfundimit të bashkëpunimit me skuadrën e Ferizajt, trajneri Alban Dragusha ka gjetur angazhimin e tij të radhës në futbollin kosovar, duke marrë drejtimin e një ekipi të ri. Gjatë ditës së sotme, ai është prezantuar zyrtarisht si trajner i ri i KF Ramiz Sadikut, duke nisur kështu një kapitull të ri në karrierën e tij profesionale. Klubi nga kryeqyteti ka zyrtarizuar rikthimin e Dragushës në krye të shtabit teknik, duke vënë në pah eksperiencën, nivelin e lartë profesional dhe angazhimin që ai ka treguar ndër vite. "Me shumë kënaqësi ju njoftojmë se Alban Dragusha rikthehet në familjen e KF Ramiz Sadikut", thuhet në njoftimin zyrtar të lëshuar nga klubi.