Gjenerallejtënant Bashkim Jashari pritje speciale për heronjtë e FSK-së që shkëlqyen në Ajova

Komandanti i Forcës së Sigurisë së Kosovës, Gjenerallejtënant Bashkim Jashari, ka zhvilluar një takim solemn për t'u uruar mirëseardhjen pjesëtarëve të kësaj force, të cilët morën pjesë dhe përfaqësuan me sukses vendin tonë në garën ndërkombëtare prestigjioze “Ushtari më i mirë”, e cila u mbajt në shtetin e Ajovës në Shtetet e Bashkuara të Amerikës. Delegacioni i FSK-së ka shënuar një sukses të jashtëzakonshëm duke u renditur në pozicionin e dytë të kësaj gare të fortë. Ky rezultat kulmor dëshmon qartë shkallën e lartë të gatishmërisë fizike, shkathtësive ushtarake dhe profesionalizmit të treguar nga trupat tona në arenën ndërkombëtare.