Vlerësimi i madh i Christian Vierit: Esposito do të thyejë rekordin e legjendës Gigi Riva

Ish-sulmuesi i njohur italian, Christian Vieri, ka bërë një parashikim të guximshëm për të ardhmen e Francesco Pio Espositos me fanellën e kombëtares së Italisë, duke besuar se ai do të kalojë arritjet e ikonës Gigi Riva. Lojtari i zikaltrve ka regjistruar tashmë 7 gola me “Axurrët”, duke u shndërruar në futbollistin e dytë më të ri në histori që arrin këtë kuotë. Historia tregon se vetëm Giuseppe Meazza ka qenë më i ri se Esposito kur ka shënuar 7 gola, duke e arritur këtë shifër në moshën 20 vjeç e 155 ditë, më 25 janar 1931, në një duel ndaj Francës ku realizoi një tregolësh për të shkuar menjëherë në kuotën e 9 realizimeve. Nga ana e tij, Esposito e ka regjistruar këtë shifër historike në moshën 21 vjeç e 99 ditë. Ndërkohë, sa i përket efikasitetit në ndeshje, Gigi Riva mbetet i pakalueshëm për nga shpejtësia. Ai ishte 23 vjeç, 7 muaj e 3 ditë kur shënoi golin e tij të shtatë, por i mjaftuan vetëm 7 paraqitje, ndërsa Espositos iu theksua nevoja për 13 ndeshje për të arritur të njëjtin numër. Në tabelën historike të golashënuesve më të mirë të kombëtares italiane, Riva mban kreun me 35 gola, i ndjekur nga Meazza me 33 dhe Piola me 30 realizime. Më pas vijnë emra të mëdhenj si Alessandro Del Piero dhe Roberto Baggio me nga 27 gola secili, vetë Christian Vieri me 23, si dhe Francesco Totti me 9 gola. Këto shifra të Italisë duken modeste nëse krahasohen me statistikat e golashënuesve rekordmenë të kombëtareve të tjera në arenën ndërkombëtare. Për shembull, Cristiano Ronaldo kryeson me 146 gola për Portugalinë, i ndjekur nga Lionel Messi me 126 për Argjentinën, Harry Kane me 91 për Anglinë dhe Neymar me 80 gola për Brazilin.