Zvicra ndëshkon me dëbim dhjetëra shtetas nga Kosova gjatë vitit 2025

Gjatë vitit 2025, autoritetet zvicerane kanë shqiptuar masa dëbimi (Landesverweisung) për gjithsej 250 qytetarë nga Kosova dhe Shqipëria, sipas të dhënave zyrtare statistikore të ndara sipas përkatësisë shtetërore për të rriturit e dënuar. Statistikat tregojnë se pjesa dërrmuese e këtyre vendimeve u përkasin shtetasve nga Shqipëria, me 200 raste të regjistruara për largim nga territori zviceran, kurse numri i shtetasve nga Kosova që janë përballur me këtë masë kap shifrën e 50 rasteve. Duke analizuar profilin e shtetasve kosovarë të prekur nga ky vendim, 13 prej tyre zotërojnë leje qëndrimi të rregullt të llojit B, C ose Ci, ndërsa 37 të tjerë bëjnë pjesë në kategorinë e përgjithshme të të huajve. Përsa i përket shtetasve shqiptarë, i gjithë grupi prej 200 personash është klasifikuar në këtë kategori të fundit. Këto shifra zyrtare pasqyrojnë vetëm vendimet penale për dëbim të të rriturve të shqiptare gjatë periudhës 2025 dhe nuk duhet të ngatërrohen me shifrën e personave që janë larguar tashmë në mënyrë faktike nga shteti zviceran.