Trazira në kryeqytetin spanjoll: A rrezikon Real Madridi të humbasë Kylian Mbappén që në verë?

E ardhmja e Kylian Mbappés te Real Madridi ka filluar të shoqërohet me pikëpyetje dhe dyshime serioze. Në mediat franceze kanë nisur të qarkullojnë aludimet se ylli i sulmit rrezikon të largohet nga “Los Blancos” përfundimisht në përfundim të këtij edicioni, si pasojë e një vargu ngjarjesh që kanë ngjallur polemika të shumta rreth tij që në nisje të këtij sezoni. Gjatë transmetimit të emisionit të njohur francez “After Foot”, është ngritur hipoteza se largimi i parakohshëm i francezit nga gjiganti madrilen nuk përjashtohet si mundësi. “Kam arritur në pikën që pyes veten: Mbappé ende ka dëshirë, por çfarë kërkon? Të krijohet përshtypja se çdo mëngjes zgjohet duke menduar se do t’i bëjë dëm vetes”, u shpreh njëri nga gazetarët e panelit të “After Foot”. “Më shumë gabime të tilla nuk mund të grumbullohen. Nuk duhet ta përjashtojmë një largim në fund të sezonit”, shtoi ai më tej. Opinioni sportiv në Francë ka rivënë në fokus edhe rastin e fundit lidhur me gjurin e sulmuesit, një situatë që duket se e ka lënduar emocionalisht lojtarin. “Episodi me gjurin e ka goditur vërtet. Ai ka thënë: ‘Çfarë është kjo? Mënyra se si më trajtuan… Dhe më pas e detyruan të gënjente, duke thënë se asgjë nga këto nuk ishte e vërtetë’”, theksori gazetari. Aktualisht mbetet për t'u parë nëse ky tension do të lërë gjurmë afatgjata në marrëdhënien mes sulmuesit dhe klubit të Real Madridit. Ndonëse për momentin bëhet fjalë vetëm për hamendësime dhe zëra nga media, çështja e fatit të tij në Spanjë po shndërrohet çdo ditë e më shumë në një temë qendrore diskutimi.