“Prisja të vije me shami” – Reagimi epik i Alba Pollozhanit ndaj pyetjes provokuese për mbulesën

E ftuar së fundmi në një intervistë për “Artistët Shqiptarë”, ish-banorja e njohur e shtëpisë më të famshme në vend, Alba Pollozhani, është përballur sërish me një pyetje ngacmuese lidhur me një prej deklaratave të saj më të bujshme gjatë eksperiencës në Big Brother. Gjatë bisedës, gazetari iu drejtua me nota humori duke i thënë: “Prisja të vije me shami”, një aludim i qartë për paralajmërimin e mëparshëm të Albës se në të ardhmen do të vendoste të mbulohej dhe t'i përkushtohej më shumë besimit islam. Duke mos rënë pre e sikletit, Pollozhani iu përgjigj pyetjes me të njëjtën monedhë, duke shoqëruar gjithçka me një batutë rreth stilit të saj të veshjes në atë moment. “Pse, a nuk është shami kjo? Blici e bën efektin e vet, se kështu më e mbuluar duket”, u shpreh ajo me sportivitet. Kujtojmë se rrëfimi i saj brenda formatit televiziv për dëshirën e saj për t'u mbuluar kishte nxitur një valë të madhe komentesh dhe vazhdon të mbetet në qendër të vëmendjes së publikut edhe sot e kësaj dite. Pasi nuk e realizoi menjëherë këtë hap, Alba ka preferuar që këtë herë ta menaxhojë situatën me humor dhe lehtësi. Megjithatë, ajo nuk ka ngurruar të japë edhe shpjegimet e nevojshme, duke konfirmuar se ky hap i rëndësishëm në jetën e saj do të ndodhë në një të ardhme.