Adrola Dushi thyer heshtjen: Reagon pas vendimit të bujshëm të Capital T për pauzë nga muzika

Modelja e njohur shqiptare, Adrola Dushi, ka dalë në mbështetje të partnerit të saj, reperit të njohur Capital T, pasi ky i fundit njoftoi se do të shkëputet përkohësisht nga koncertet gjatë këtij viti. Ngjarja vjen pasi pak ditë më parë, artisti bëri të ditur se kishte vendosur të merrte një pauzë nga skena e performancave live, duke bërë me dije se “Wine & Stories of Berat” do të jetë i vetmi koncert i tij për këtë vit. Nëpërmjet një postimi në rrjetet sociale, Capital T shpjegoi se kjo pauzë është e domosdoshme si për zhvillimin e tij profesional, ashtu edhe për motive personale, duke paralajmëruar njëkohësisht një rikthim të fuqishëm në të ardhmen. Artisti shtoi se një nga arsyet kyçe që e shtyu drejt këtij hapi ka të bëjë me realitetin aktual shoqëror, duke nënvizuar se festat dhe muzika nuk mund të shkëputen plotësisht nga ngjarjet dhe situata që ndodhin përreth nesh. Ky vendim nuk ka kaluar pa u vënë re nga partnerja e tij, Adrola Dushi, e cila ka shpërndarë në llogarinë e saj në “story” mesazhet e reperit, duke i shoqëruar ato me fjalë mbështetëse. “Ky është partneri im. Shumë krenare!”, ka shkruar modelja e njohur, duke shfaqur hapur përkrahjen e saj për vendimin e rëndësishëm të artistit.