Tragjedi në Klinë: Ndërron jetë në QKUK gruaja e sulmuar brutalisht nga i biri

Ka ndërruar jetë në Qendrën Klinike Universitare të Kosovës (QKUK) gruaja që po luftonte për jetën, pasi u sulmua fizikisht me mjete të forta nga i biri i saj, i cili thuhet se përballej me çrregullime mendore. Ngjarja e rëndë kishte tronditur opinionin publik më 5 shtator. Sipas procedurave ligjore dhe me urdhër të prokurorit të rastit, trupi i pajetë i viktimës është transferuar në Institutin e Mjekësisë Ligjore (IML) për t'i u nënshtruar obduksionit, hap ky që do të ndihmojë në zbardhjen e plotë të shkaqeve dhe rrethanave të kësaj ngjarjeje tragjike. Ndërkohë, autoritetet kompetente po vazhdojnë hetimet intensive për ngjarjen, e cila tashmë është zyrtarizuar si “vrasje e rëndë”. Në raportin zyrtar të Policisë së Kosovës thuhet: “Lidhur me rastin, më 05.10.2026 në QKUK, ka ndërruar jetë viktima femër kosovare. Me vendim të prokurorit, trupi i pajetë dërgohet në IML për obduksion”.