Thirrje nga Lëvizja Vetëvendosje: Deputetët të votojnë sot Presidentin dhe Projektligjin për Specialen

Deputeti i Lëvizjes Vetëvendosje, Vigan Qorrolli, u ka bërë thirrje ligjvënësve që gjatë ditës së sotme të votojnë për zgjedhjen e Presidentit të vendit si dhe për miratimin e Projektligjit për Gjykatën Speciale. Sipas Qorrollit, një mundësi e dështimit të këtyre proceseve dhe shkuarja e vendit në zgjedhje të reja do të kishte pasoja negative si për Kosovën, ashtu edhe për procesin gjyqësor që po zhvillohet në Hagë, ndaj ka kërkuar që ky skenar të shmanget me çdo kusht. "Sot nuk është dita për ta çuar shtetin në prapakthim: e votojmë Presidentin dhe e votojmë Projektligjin për Specialen, sepse të dyja janë pjesë e të njëjtit detyrim — t’i japim vendit institucione funksionale dhe vendimmarrje", ka deklaruar ai. Në fund, ai ka paralajmëruar se shkuarja në zgjedhje dëmton Republikën dhe proceset në Tribunalin e Hagës, duke u bërë thirrje politikanëve që të mos veprojnë me mllef e inate fëminore.