Pas skandalit me VIP-at shqiptarë, Bia Khalifa shpërthen me ironi: Morali juaj selektiv është i turpshëm

Pasi rrjeti u përfshi nga një valë e madhe diskutimesh lidhur me videot e Adrian Hilës dhe përfshirjen e disa prej figurave më të njohur të ekranit shqiptar, ka ardhur edhe reagimi i multikomentuar i Bia Khalifas. Nëpërmjet një postimi në llogarinë e saj zyrtare në Instagram, ajo ka zgjedhur të ironizojë ashpër kritikat dhe gjykimet e shumta që, sipas pretendimeve të saj, i janë drejtuar më herët për çështje që lidhen me integritetin dhe moralin. "Për moralin tem keni pas A LOT to say, meanwhile unë s’jom as në casting, as në credits, as në asnjërën prej videove", ka shkruar Bia në mesazhin e saj. Më tej, ajo ka theksuar se në fakt çështja nuk kishte të bënte kurrë me parimet e saj, por me nevojën për të gjetur një shënjestër për gjykim. "Anyway, keep the same energy. Morali selektiv është embarrassing", ka përfunduar ajo reagimin e saj të prerë. Ky reagim i Bia Khalifas vjen në një kohë kur publiku dhe rrjetet sociale vazhdojnë të ziejnë nga debatet rreth videove komprometuese dhe emrave të njohur të showbiz-it të bërë pjesë e kësaj situate.