Adrenalina në maksimum: Skender Potera i njohur si “Gogi” triumfon në “Drag Race 3”

Skender Potera, i njohur në qarqet e motorsportit si “Gogi”, është kurorëzuar kampion i garës “Drag Race 3”, një sfidë kjo që kishte mbetur e pambyllur që nga muaji gusht. Duke drejtuar një automjet tip Audi TT RS, Potera arriti të dominojë pistën e gjatë 402 metra duke e përshkuar atë në vetëm 08:523 sekonda, ndërkohë që shpejtësia e tij maksimale kapërceu shifrën e 290 kilometrave në orë. “Ishte rezultat i mjaftueshëm për të fituar garën, por unë gjithmonë them se ka vend për përmirësime. Shpresoj që nesër të kem kohë më të mirë”, ka deklaruar Potera pas sigurimit të fitores. Gjatë aktivitetit të së shtunës në “Drag Race 3”, spektakli u pasurua edhe me performanca të tjera mbresëlënëse. Burim Isufi, në timonin e një Audi S3, u shpall fitues i Klasës 9, ndërsa pozita e dytë i theu Kushtrim Musliut me automjetin e tij BMW 130 xd. Po ashtu, dita e shtunë shënoi edhe zhvillimin e garave për klasat 16, 15, 14, 13 dhe 12 në kuadër të “Drag Race 4”, ndërsa spektakli me kategoritë e shpejtësisë më të lartë vazhdon gjatë ditës së sotme (e diel, 4 tetor).