Formacion i reagimit: Zbulohen pesë ndryshimet e mëdha dhe skema surprizë e Maran për sfidën me Finlandën

Trajneri i Kombëtares, Rolando Maran, ka vendosur të ndryshojë sërish rreshtimin taktik në ndeshjen e tij të tretë zyrtare në krye të skuadrës. Pas lëvizjeve të bëra në sfidën ndaj San Marinos, teknikët kuqezinj kanë gati një tjetër konfigurim përballë Finlandës. Sipas të dhëna paraprake të publikuara nga UEFA, skema e zgjedhur nga ana e stafit teknik është 4-3-3. Ajo që bie në sy është përfshirja e Pilos si një eksperiment i mirëmenduar në repartin e mesfushës, i cili do ta nisë takimin nga minuta e parë në krah të Mario Mitajt. Në total, krahasuar me ndeshjen e kaluar kundër San Marinos, trajneri ka bërë pesë ndryshime rrënjësore në formacionin titullar. Në portë rikthehet Berisha, i cili zëvendëson Sherrin, ndërsa në krahun e mbrojtjes Hysaj merr vendin e Sinës, ku ky i fundit nuk është grumbulluar për fushë dhe do ta ndjekë takimin nga tribuna. Ndërkaq, në mesfushë spikat rikthimi i Ramadanit, i cili zë vendin e lënë bosh nga Shehu. Pilo është rikthyer gjithashtu mes titullarëve, ndërsa lëvizja surprizë përfshin edhe uljen në stol të Mehmetit. Edhe Uzuni e nis këtë sfidë nga pankina, duke i lënë hapësirë të rëndësishme Hoxhës që të pozicionohet që në start në formacionin e parë.