Ndeshje miqësore: Teuta shkatërron Kukësin me pesë gola, Vora triumfon ndaj Flamurtarit

Pavarësisht ndërprerjes së kampionateve për shkak të angazhimeve të kombëtareve, skuadrat e Abissnet Superiores dhe të Kategorisë së Parë vijojnë seancat dhe ndeshjet përgatitore për të ruajtur ritmin dhe formën ideale fizike për sfidat e ardhshme. Në takimin miqësor të zhvilluar pasditen e sotme në stadiumin “Niko Dovana”, Teuta ka dominuar plotësisht kundër Kukësin, duke e mposhtur me rezultatin e thellë 5-0. Për ekipin nga Durrësi, autorë të golave në këtë përballje ishin Pedro, Wotali, Kallaku, Umejiego dhe Daci. Ndërkohë, një tjetër duel kontrolli është zhvilluar në stadiumin “Roza Haxhiu” i qytetit të Lushnjës, ku u ndeshën Vora dhe Flamurtari. Formacioni i drejtuar nga Bellai ka arritur të sigurojë fitoren me shifrat 2-0, duke treguar epërsi dhe duke tundur rrjetën e vlonjatëve nga një herë në secilën prej pjesëve të lojës.